Квітней мой сад
муз.Мік.Алешка   сл. І.Цітаўца

1
Вечар над зямлёй зоркамі блышчыць,
А ў душы маёй музыка гучыць.
Дзякуй салаўю – ён пяе са мной
Пра вясну маю ў садзе над ракой.

прыпеў
Ты квітней, мой сад, белым велюмам,
Як любоў мая – зорным вечарам.     2 раза

2
Без любові той не звініць струна – 
Песняй дарагой стала мне яна.
Прыбірае сад шчырая вясна,
Вёснаў будзе шмат, а любоў адна.

прыпеў
3
Светлая любоў – музыка мая.
Праз віры гадоў з ёю крочу я.
Дзякуй салаўю – ён пяе са мной
Пра вясну маю ў садзе над ракой.

прыпеў