Таңда искән җилләр кебек,
 Гомерләр узып бара.
 Безнең гомер әйтерсең лә
 Күз ачып йомган ара.
 Тәгәри гомер йомгагы,
 Елларны саный-саный.
 Тотам димә ул йомгакны,
 Тәгәри, һич туктамый.

 Безнең гомер - чишмә челтерәве ул,
 Кайтавазы ерак язларның.
 Безнең гомер - күкләр күкрәве ул,
 Моң-сагышы киек казларның...

 Ашкынабыз... Безнең гомер
 Гел тоташ бәйрәм түгел.
 Узган гомерләрне уйлап,
 Моңлана кайчак күңел.
 Ни булса да, безгә гомер
 Тик бер генә бирелә.
 Гомер - мизгел,
 Шул мизгелнең кадерләрен бел генә.

 Безнең гомер - чишмә челтерәве ул,
 Кайтавазы ерак язларның.
 Безнең гомер - күкләр күкрәве ул,
 Моң-сагышы киек казларның... 
→ http://songspro.ru/2/Bulat-Nigmatullin-and-Dilya-Nigmatullina/tekst-pesni-Beznen-gomer