Azerbaycan bayragi

Dalğalanır rəmzi kimi qos-qocaman millətin,
Övladında qətiyyətin, cəsarətin, qüdrətin,
İnanılmaz birgəliyin, doğmalığın, ülfətin,
Varlığıyla qürurlanır odlar yurdu bir məkan,
Yüksəlibsə bircə kərə, enməyəcək heç zaman

Bəyan edir dünyalara nur isıqlı növrağı,
Bax, üçrəngli ay ulduzlu Azərbaycan bayrağı.

Gözəllikdə yaraşıqda yox ki tayı, bəznəri,
Xəfif-xəfif cilvələnir, çəkir diqqət nəzəri,
Dönür baxır dağlar sarı, seyr eləyir Xəzəri,
Varlığıya qururlanır odlar yurdu bir məkan, 
Yüksəlibsə bircə kərə, enməyəcək hec zaman

Bəyan edir dünyalara nur isıqlı növrağı,
Bax, üçrəngli ay ulduzlu Azərbaycan bayrağı.

Kəhkəsanda bərq vuraraq aləmlərə çəkir car,
“Burda xalqın arzuları çiçəkləyir, verir bar,
İnsan oğlu zövqlər duyur yaşamaqdan bəxtiyar.”
Varlığıyla qururlanır odlar yurdu bir məkan,
Yüksəlibsə bircə kərə, enməyəcək hec zaman.

Bəyan edir dünyalara nur isıqlı növrağı,
Bax, üçrəngli ay ulduzlu Azərbaycan bayrağı.