Уақытты тоқтатар шамаң бар ма?

1. Не келіп, не кетпеген бұл ғаламнан, 
Су тартылған теңізден, жылғалардан. 
Нелер ұрпақ аттанған қуған арман, 
Не келіп, не кетпеген бұл ғаламнан? 

Қайырмасы:
Уақытты тоқтатар шамаң бар ма,
 Бәрі өтеді: дәуірлер, замандар да.
  Менің жаным ашиды мына өмірді
Өтпейтіндей көретін адамдарға.

2. Өтеді ғой... 
    Өтеді барлығы да, 
    Күн арқалап кетеді таңды мына. 
    Менің жаным ашиды барлығына: 
    Таң нұрына, адамның тағдырына. 

Қайырмасы:
              Менің жаным ашиды өткендерге,
             Жаңа ғана өмірге жеткендерге.
             Ұран жазып аспанға қойсам ба екен:
            "Енді сендер өмірден өтпеңдер!" — деп?

3. Бәрі өтуде, 
    Күн батып, кеш кіруде. 
    Жаңаруда дүние, ескіруде. 
    Болашақтан бейтаныс ұрпағымыз 
    Босат деп тур орнымды, 

Қайырмасы:
  Уақытты тоқтатар шамаң бар ма,
  Бәрі өтеді: дәуірлер, замандар да.
  Менің жаным ашиды мына өмірді
  Өтпейтіндей көретін адамдарға.