Мне ўсё даражэй 
 Зорны міг вачэй. 
 Звон азёрных гусляў. 
 Месячкі тваіх 
 Веснавых вачэй 
 І маладзічкі вуснаў. 

 Мілая далонь, 
 Поўная цяпла, 
 Як святла крыніца. 
 Сілы ўдалой, 
 Звонкай, маладой 
 Дай жа мне напіцца. 

Прыпеў. 
Зорачка мая, 
 Светлая мая, 
 Узімку і вясною, 
 А ці снег мяце, 
 А ці дождж ідзе, 2 разы 
 Ты заўжды са мною. 

 Ласка шчырых слоў 
 Дорыць мне святло 
 Сэрца маладзее. 
 Гэта першы гром 
 Будзіць ціхі дом 
 Траўка зелянее. 

Прыпеў.